حاجات هبلة

أحنا يا جماعة محتاجين وقفة

حاجات هبله بنعملها كتير ومش حاسيين

مـثــــــــــــلا:
*ليه بعد ما نشرب زجاجة البيبسي ونخلصها
نهز الزجاجة؟؟
يعني مستنى عفريت يطلعلك من الزجاجة يقولك مبروك كسبت
!!! كمان شفطه.

*ليه إذا شفنا على حيطة أو عامود نور عبارة
احترس من الدهان!!!..
ما نصدقش ونجرب بأصابعنا!!!! يعني لازم يحلفوا!!!!


ليه لو كنت في خناقه مع حد وراح شتمك تقولوا.....
أنت بتشتم مين؟؟؟؟
هو في حد غيرك بيتخانق معاه!!!!



ليه إذا كانت بطارية الريموت كنترول ضعيفة....
نضغط بقوووووه على الزراير؟؟؟
البطارية!!!!! يعني هو كده هنشحن



ليه اذا تأخر الاسانسير نضغط على الزرار ومنشلش
أيدينا من عليه؟؟؟
يعني كده خلاص هيحس على دمه وينزلك أسرع!!!!



ليه بنوطي صوت الكاسيت في السيارة إذا كان الطريق زحمة
أو لو تهنا؟؟؟

يعني كده الطريق هيفضى ولا هنعرف فين الطريق!!

ليه لما بنكون قاعدين في مكان عام ونسمع رنة مسج ولا رنة
موبايل على طووووول نشوف موبايلنا ؟؟
يعني أنت مش عارف مثلا رنة موبايلك عشان كل ما واحد
يرن تبص عندك؟؟


(ليه إذا لعبنا بلاي ستيشن ( لعبة عربيات
نلف مع العربية؟؟؟
إذا تحرك يمين ويسار
كده مش هنخسر يعني!!!



* ليه إذا جينا نشكر واحد على موضوع حطه بالمنتدى نمد الحروف
ونكتب

مشكوووووووووووووووووووووووووووووووووووووووور


!!!! يكون كده شكرناه من القلب يعني



ليه لو ماشي في شارع وحد وراك بينادي
علي واحد تاني خالص تبص وراك؟؟؟

خلاص ياعني بينادي عليك انت
بس غلط في اسمك!!!!

اللى بيشرب زجاجة المياة الغازية بيهز الزجاجة علشان الغازية .....................
والدهان علشان ندوقة ( مالح ولا دلع )
والشتيمة ( ما هو الشيطان واقف علشان كدة عايزين نعرف بيشتم مين بالظبط
لأ بنشوف قوة التحمل بتاعة الريموت من غير حجارة
وبنعمل للانسانسير ريستارت علشان يبدأ من الاول

مساءك جميل ياجميل
مش بقولك مصراوي على طول
مشكور على مرورك
ومشكور على تعليقاتك الجميلة التي أدخلت علينا السرور
وابقى هزهاشوية علشان رمضان معمروش قال كدة
انا عارف ان الواحد مش عارف يهز نفسه من المية اللي بيشربها دلوقتي في رمضان وفي الحر ده
ربنا يتقبل منا ومنكم الصيام والقيام
وألف شكر على ردك ياجميل