منتديات أستاذي التعليمية
منتديات أستاذي التعليمية.

أهلا وسهلا بك ضيفنا الكريم، إذا كانت هذه زيارتك الأولى للمنتدى، فيرجى التكرم بالتسجيل معنا لتكون عضوا في أسرة المنتدى بالضغط على مفتاح تسجيل الدخول واتباع التعليمات، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.


منتديات أستاذي التعليمية

منتدى .ديني تعليمي ثقافي للطفل والطالب والمعلم والباحث و أفراد الأسرة يضم قرآن كريم ،أخبار، ألعاب، وفيديوهات، وقنوات فضائية، وقصص، وألغاز، وخدمات عامة
 
الرئيسيةالبوابةاليوميةس .و .جبحـثالأعضاءالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» نتيجة تلاميذ الصف السادس بمدرسة العاشر من رمضان
الخميس 20 يونيو 2013 - 22:31 من طرف ابراهيم محمد ابراهيم

» المراجعة النهائية للقواعد النحوية للشهادة الابتدائية للعام الدراسي 2011/ 2012 م
الثلاثاء 4 يونيو 2013 - 17:06 من طرف Admin

» سؤال محيرني
السبت 30 مارس 2013 - 1:26 من طرف ابراهيم محمد ابراهيم

» لعبة الجملة المعكوسة
الإثنين 7 مايو 2012 - 21:02 من طرف ابراهيم محمد ابراهيم

» مشروع القرآن الكريم بجامعة الملك سعود
الخميس 26 أبريل 2012 - 22:37 من طرف Admin

» نتيجة امتحانات المدارس
الأربعاء 25 أبريل 2012 - 16:45 من طرف Admin

» معلومات غريبة جدا ومفيدة جدا جدا
الجمعة 13 أبريل 2012 - 16:56 من طرف Admin

» المراجعة النهائية للقواعد النحوية للشهادة الابتدائية للعام الدراسي 2011/ 2012 م التدريب الثاني
الجمعة 13 أبريل 2012 - 5:16 من طرف مصطفى رجب

»  كيف نجعل تعليم النحومتعة بالألعاب التعليمية الإكترونية ؟
الأحد 25 مارس 2012 - 6:37 من طرف Admin

» حركة تلقائية تؤدي إلى السرطان تتكرر معنا يوميا!!
الإثنين 27 فبراير 2012 - 3:01 من طرف أشرف السيد

» تعلم رسم الجمل بطريقة بسيطة جدا
الإثنين 13 فبراير 2012 - 5:57 من طرف إسراء فهمي

» نتيجة الشهادة الابتدائية 2012
الإثنين 6 فبراير 2012 - 17:44 من طرف sayed sapq

» نتائج امتحانات نصف العام 2011-2012
الإثنين 6 فبراير 2012 - 6:32 من طرف sayed sapq

» لعبة تقوية الذاكرة
الأحد 29 يناير 2012 - 4:00 من طرف إسراء فهمي

» 10 ألغاز هل تستطيع حلها؟
الثلاثاء 24 يناير 2012 - 4:40 من طرف ابراهيم محمد ابراهيم

» جدول امتحانات المرحلة الابتدائية بمحافظة القليوبية آخر العام الدراسي 2010-2011
الإثنين 16 يناير 2012 - 0:24 من طرف ابراهيم محمد ابراهيم

» فيديو تكريم أوائل الصف الرابع 2010/2011م
الجمعة 13 يناير 2012 - 20:59 من طرف ابراهيم محمد ابراهيم

» شاهد مباشرة شرح منهج النحو للصف الرابع
الخميس 12 يناير 2012 - 5:00 من طرف sayed sapq

» رؤية ورسالة مدرسة العاشر من رمضان الابتدائية
الأربعاء 11 يناير 2012 - 6:59 من طرف Admin

» فيديو أوائل الصف الخامس 2010 - 2011 بمدرسة العاشر
الثلاثاء 27 ديسمبر 2011 - 14:22 من طرف Admin

حكمة اليوم
التبادل الاعلاني
احداث منتدى مجاني

شاطر | 
 

 ذكريات زوج مع زوجته قبل وفاته

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
sayed sapq
عضو ذهبى
avatar

عدد المساهمات : 323
نقاط : 844
السٌّمعَة : 3
تاريخ التسجيل : 27/06/2010
العمر : 36

مُساهمةموضوع: ذكريات زوج مع زوجته قبل وفاته   الأحد 1 أغسطس 2010 - 18:02

قصيده (حبيتك لإلتزامك)

حبيتك لإلتزامك ***حبيتك لاحترامك
حبيت فيكي التواضع ***.والعزة اللي ف كلامك
مبســـوط منك لأنك ***.إســـلامك كل همــــك
أنـــا أصلي قابلت بابا ***واداني فكــــرة عنك
وســـألته عن طباعك ***إن كانت يعني هاديــة
فحكالي عن سمـاعك ***لكلامه وانت راضية
وازاي بتسلي نفســــك ***.بذكــرك وانت فاضية
وحلاوة صوت تلاوتك***.وإزاي بتكوني شاديه

وسألته إن كنتي فاهمة ***معنى كلمة زوجين
قالي هتكونوا ورقـــة ***.مطبـوعة نسختين
غنـي كنت أو فقيــر *** ليك عند بنتي ديـــن
سرك هيكون في بير ***معرفش مكانه فيــــن
تفضل دايماً كبيـــر *** في نظرها حبتيــن
لو جيت بفلوس كتيــر ***تطمن جت منيــــن


هتكون دايماً معاهــا ***. سيرتك هتكون هواهــا
والشوق اللي فـ خيالك *** تلقــاه لحظة لقاهــا
لو جيت زعلان ف مرة *** إرمي همومك وراها
ومهمــا شوفـــت بـــره *** مش هتشوف مستواهـــــا
واطمــن يابني خـــالص ***عقـلها مافيهوش تفـــــاهــة
وزي مــا هــي بنتـــــي *** بنت حماتهـــا وحماهـــا

وســألته عن ولادي ***منك هيكونوا إيــــه؟
قاللي هيكونوا عــادي *** فسألته يعني إيــــــه؟
قاللي العادي إللي كان ***عند الناس من زمـان
العادي بتاع ســــراقة *** وحذيفة بن اليمــــان
العادي بتاع أســـــامة *** وابن الحكيم لقمـــــان


ده العادي بتاعنا إحنا ***بنربي عليه عشان
لو جينا ولا رحنـــــــا *** هنقابل الرحمــــــــــن
عمرك ما تخاف عليهم ***.ولادك في الأمان
أنا بنتي هتربيهـــــم ***ع السنة والقــــــــرآن
هتشـوف ابنك بيصحى ***.مادام سمـــع الأذان
ينزل في الفجر يقــرا *** بالسجدة والانسـان
هتشوف في حجاب بناتك *** العفة والإحسان
هتشوف إزاي مراتــك ***.هتعينك إنت كمــان

وسألته عن حياتــك ***من قبل الالتـــــزام
قال أتذكر في ليلة *** مش فاكر أنهي عام
أذان الفجــــر أذن ***.وقالتلي سيبني أنـــــام
فدخلت الأوضه جوه *** أجيب منها الحزام
وعبال ما رجعت تاني *** كات رجعت ف الكلام
الله يجازي الشيطــــان *** خلاها تقول نـــــــــام
بس اطمـــــن خلاص ***دلوقتي بقت تمــــــــــام

قدملي مكة كـــــولا *** قاللي اتفضل وسمي
أحسن من سكة كولا *** صدقني وخدها مني
قلتله طيب ياعمي *** يسعدني أقولك إنــــــي
بطلب بنتك ونفسي ***تناسبني وترضى عني
راح شادد فجأه لبسي ***.وقلب وشه وسألنـــــي
حافظ كم جزء يابني ***وقاري كم كتاب
احكيلي كده عن مؤته *** أوغزوة الأحزاب
وسمع كم حديث ***في الأخذ بالأسباب
وكمان سمعلي آيه ***ذكرت فيها الدواب
ولو شايفها صعبة ***قللي بتاعة الذباب

واحكيلي حلم يوسف *** وبراءة الذئاب
واخواته لما جولوه *** دخلوا من أنهي باب
واديني فكرة برضه *** بتقبض كم ثواب
وناوي ازاي تحسن ***أنا شايفك لسه شاب
وسأل نفسه وسألني ***هيعوز إيه يعني مني؟
لو عندي كل حاجـــه ***وديني مش شاغلني
أحسن لك تنسى بنتي *** ومهرك مش لازمني


قلتله صبرك ياعمــي *** وبراحتك امتحنــي
يبقى اما أسأل تجــاوب ***خليك دايماً فاهمنـــــي
سألتك وانت ســـــاكت *** خليتني أظن ظـني
وفضل يسأل واجاوب ..*** وعشان خاطرك عصرني
وظهرت النتيجــــــة *** وبفضل الله قبلنـــــــي

قاللي مقبول في نظري ***مبروك عليك ياسيدي
لكن في نظرها هــــي *** نجاحك مش بإيــدي
وهي زمانها راجعة ***من تمرين السويـــــدي
خليك قاعد شويــــــة ***استنا لما تيجــــــــي
هعملك من إيديـــــــا *** كباية شاي صعيـــــــدي

سابني وقعدت أفكر ***.هل ممكن ترفضيني
طاب قولي حتى أفكر *** مش يمكن تفهميني
وفضل مخي يلاعبنــي ***يجيبني ويودينـــي
وخايف م المقابلــــة ***مرعوب بينك وبيني
ودق الباب في ثانيــــة ***وشوفتك مرة تانيـــة
مش قادر أنسى يومهـــا ***وفاكر كل ثانيـــة

ونده والدك عليكــــي ***عشان أول لقــــــاء
دخلتي وشوفت وشك ***عليه نور الحياء
نور والله فعـــلاً *** مش نور بودرة وزواء
كان أول مرة أخــــاف *** من فتنة النســــــــاء
أخلاقك مش عـــــــادية ***وجمالك كان شفـــــاء

قعدتي جنب والـــدك *** وسألتيني وجاوبتــــك
وفكل مرة أجــاوب *** كنت باشوف ابتسامتــك
ف أقول من جوه نفسـي *** يارب أكون عجبتك
وبعد شوية قمتــــــي ***ندهت عليكي مامتــــــك
ورحتي دخلتي جــــوه ***وراح وراكي والـــدك
وانا قلــت مش مروح ***غير لما أكون خطبتــــك

وابوكي جاني تانــي ***وقرب من وداني
لابس كرفته ســـوده ***وبدله لون فرانــي
المنظر يعني كلــــه *** ميدلش ع التهانــي
قلتله مالك ياعمـــي *** من فضلك قول عشانـي
عرقي غرقلي كمـــي *** سايبني ليه أعانـــي
قاللي مستني إيــــــه *** فين إيدك إديهـــانـي
البنت مش موافقـــــة ***.تتجوز حد تانــــــي

كان أول مرة أعرف *** إزاي الناس بتفرح
سعادتي كات غريبــة ***مش ممكن هقدر أشــرح
من كتر حبي ليكـــي *** نويت أضحي وادبــــح
رحت اشتريت خروف *** وكان خروف بينطح
ده أخيراً هبقى جــوزك ***وشجرة صبري تطــرح

خطوبتنا كات بسيطة ***مكانش فيها زيطة
وفرحنا كان في جامع *** يعني مش خلطبيطة
ومامتك جت في يومها ***ورقعت كام سويطة
هاتولي بنتي منــه *** دي مش فاهمة العبيطة
إنه هيخطفها منـــــي *** وهتوحشني الغتيتــــة

صعبت عليا مامتك ***الموقف كان شديد
لكن فعلاً خطفتـــــك *** ورحنا مكان بعيـــــد
فاكرة ولا انتي ناسية *** أكيد فاكرة أكيـــــــد
من يوم ما بقيتي زوجتي*** وانا متهني وسعيــد
معايا ف كل يـــــــوم *** ويوم لؤاكي عيــــد

عمرك ما دقتي نــوم ***.وانا تعبان أو مريــض
فلوسي كات بتكتــــر ***.والخير عندك يزيـد
وعامله ليه دفتـــــــر ***ومرتبه المواعيــــد
وبفضل الله قدرتــــــي ***.وجبتيلي الوليــــد
وبعديها بشويـــــــة *** جبتيلنا عليه يزيــد
وبعديه جت سميـــــة ***وآخرهم كان حميــــــد

بدعيلك كل يوم ***وأفضل أعيد وازيد
ربيتي عيالي دول ***ع القرآن المجيــــد
طول عمرك وانتي صافية ***قلبك لون الجليـد
أخلاقهم مش عادية ***طلعنلك مش بعيــد
وليد دلوقتي ضابط ***.ومعاه رتبة عقيــــد
ودعوة قلبي صابت ***ويزيد أهو مات شهيد
وبنتك صيدليـــــة ***وحميد أصبح معيد
الله برحم أبوكي *** راجل من نوع فريد
كل اللي قاله فيكــــي *** أنا عشته بالتحديــــد

عشت معاكي ف حكاية ***أحلى وأجمل رواية
حكايتي كات معاك *** وحكايتك كات معايا
اديتك كل عمري ***وهمك كان رضايـــا
وعمرك خدته منك ***وقربك كان دوايـــا
وخلاص العمر راح *** راحت أيام صبايـــا
ومسافر رحله صعبة *** وزادي مش كفايــــــه
مش عاوز أشوف دموعك ***بالذات ف يوم عزايا
أنا عارف إنتي عارفة *** إن الموت مش نهايـــــة
دي لسة الرحلة طالعة ***.والموت خط البدايــــــة
إدعيلي يمكن أوصــــــل *** وأشوف هناك حمايا
أنا عارف إنه فيهـــــا ***محجوزله هناك سريــر

وسلامي في النهاية ***أنا خلصت الحكاية
لو يوم فكرتي فيه *** إقري شعري وغنايا
وأمانه ف كل مرة *** تدعي لي بالهداية
عسى ربي بدعائك ***يغفر ليا الخطايا



******************************
يارفاق الدرب مازلتم بعمق القلب أحبابا [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة] وإن غبتم وإن غبنا فإن الود ما غابا



[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
eidsapek
عضو مشارك
avatar

عدد المساهمات : 46
نقاط : 70
السٌّمعَة : 0
تاريخ التسجيل : 19/06/2010
العمر : 43

مُساهمةموضوع: رد: ذكريات زوج مع زوجته قبل وفاته   الإثنين 2 أغسطس 2010 - 16:11

والله انا اللي عرقي غرقلي قمي من حلاوة هذه القصيدة الجميلة الروعة في ما تحتويه من كلامات رقيقة جدا جدا جدا
وقد اعجبتني كثيرا وقرأتها على كل من حولي في المكتب والجميع أشاد بها وصفقوا بأيديهم من شدة اعجابهم بها
وعن نفسي فقد رغرغت الدموع في عيني وكنت اتمنى أن لا تنتهي حكاية هذا الرجل بالموت وأن تنتهي بسعادته في وسط
هذه الكوكبة الجميلة من الأولاد وبدفئه مع هذه الزوجة الرائعة
رزقنا الله وإياكم حسن الخاتمة وغفر لنا ولوالدينا وللمسلمين والمسلمات والمؤمنين والمؤمنات الأحياء منهم والأموات
وجزاكم الله خيرا على هذه الأبيات الرائعة وكله برضه عادي
الرجوع الى أعلى الصفحة اذهب الى الأسفل
Admin
Admin
avatar

عدد المساهمات : 261
نقاط : 654
السٌّمعَة : 6
تاريخ التسجيل : 17/06/2010
العمر : 36

مُساهمةموضوع: رد: ذكريات زوج مع زوجته قبل وفاته   الإثنين 2 أغسطس 2010 - 19:07

اسمح لى بتعليق بسيط على أمنيتك التى تقول فيها:
(وكنت اتمنى أن لا تنتهي حكاية هذا الرجل بالموت وأن تنتهي بسعادته في وسط هذه الكوكبة الجميلة من الأولاد وبدفئه مع هذه الزوجة الرائعة)
فالموت نهاية طبيعية لكل حى سواء عاش في سعادة أو في شقاء فلابد أن تنتهى حياته يوما بالموت الذي لا مفر منه
ثم إنه عاش من حياته الكثير من السعادة بزوجة صالحة وأولاد دس عرق زوجته فيهم مصداقا لقول الرسول الكريم فيما معناه:
(تخيروا لنطفكم فإن العرق دساس)ألا تكفي كل هذه السعادة والتي حرم منها كثير من الناس ( زوجة وذرية صالحين)
وحتما ولابد أن ينتهي كل هذا بالموت الذي هو في الحقيقة بداية الحياة الحقيقية في الآخرة والآخرة خير وأبقى
ويحضرنى قول الشاعر:
كل ابن آدم وإن طالت سلامته ..........يوما على آلة حدباء محمول
الرجوع الى أعلى الصفحة اذهب الى الأسفل
http://ostazy.ahladalil.com
 
ذكريات زوج مع زوجته قبل وفاته
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات أستاذي التعليمية :: 
القسم الأدبي
 :: منتدى الشعر والشعراء
-
انتقل الى: